ពេជ្រ សម្បត្តិ ឈ្នះខ្សែក្រវាត់ក្នុងការប្រកួត 8MEN TOURNAMENT វគ្គផ្តាច់ព្រ័ត្រ នៃ GANZBERG World Kun Khmer Fight
អត្ថបទសរសេរដោយ SK • 156 views
ព្រឹត្តិការណ៍ 8MEN TOURNAMENT វគ្គផ្តាច់ព្រ័ត្រ ក្នុងមហាព្រឹត្តិការណ៍ GANZBERG World Kun Khmer Fight ប្រភេទទម្ងន់ 60 គីឡូក្រាម បានបញ្ចប់ទៅដោយភាពជោគជ័យ និងភាពកក្រើកយ៉ាងខ្លាំង ខណៈដែល កីឡាករ ពេជ្រ សម្បត្តិ បានបង្ហាញសមត្ថភាពយ៉ាងលេចធ្លោ និងដណ្ដើមបាន ខ្សែក្រវាត់ជើងឯក ព្រមទាំង កំប៉ុងមាស ពីក្រុមហ៊ុន GANZBERG។
ជ័យជំនះនេះ មិនត្រឹមតែជាសមិទ្ធផលដ៏អស្ចារ្យសម្រាប់កីឡាករ ពេជ្រ សម្បត្តិ ប៉ុណ្ណោះទេ ប៉ុន្តែថែមទាំងជាភស្តុតាងបញ្ជាក់ពីសមត្ថភាព និងសក្តានុពលរបស់កីឡាករគុនខ្មែរ ដែលអាចប្រកួតប្រជែងបានក្នុងកម្រិតអន្តរជាតិ និងឆ្ពោះទៅកាន់ឆាកពិភពលោក។
ព្រឹត្តិការណ៍នេះ ត្រូវបានរៀបចំឡើងក្រោមការគាំទ្ររបស់ GANZBERG ដែលបានបន្តតួនាទីយ៉ាងសកម្ម ក្នុងការលើកស្ទួយ និងអភិវឌ្ឍវិស័យកីឡាប្រដាល់គុនខ្មែរ ឱ្យឈានដល់កម្រិតពិភពលោក តាមរយៈការរៀបចំកម្មវិធីប្រកួតដែលមានគុណភាព និងស្តង់ដារអន្តរជាតិ។
ការប្រកួតនេះ បានប្រព្រឹត្តឡើងនៅ ថ្ងៃទី ២៣ ខែមករា ឆ្នាំ២០២៦ នៅ ភូមិស្ងួនពេជ្រ ខណ្ឌកំបូល រាជធានីភ្នំពេញ ដោយទទួលបានការចូលរួមគាំទ្រយ៉ាងកុះករ ពីអ្នកគាំទ្រកីឡាប្រដាល់គុនខ្មែរ និងមហាជនទូទៅ។
