4 ប្រទេសដែលនឹងចូលរួម World Cup ជាលើកដំបូងក្នុងប្រវត្តិសាស្ត្រ
អត្ថបទសរសេរដោយ Dany • 77 views
ការសម្រេចរបស់ FIFA ក្នុងការពង្រីកព្រឹត្តិការណ៍ World Cup 2026 ដែលមានរហូតដល់ទៅ 48 ក្រុម ត្រូវបានរិះគន់យ៉ាងខ្លាំងពីមួយចំនួន ដោយមានការលើកឡើងថា កាលវិភាគមានចំនួនច្រើនឡើង អាចធ្វើឲ្យគុណភាពការប្រកួតថយចុះ និងអាចបង្កើតការប្រកួតដែលមិនមានអត្ថន័យច្រើន។
យ៉ាងណាមិញ ការពង្រីកនេះក៏បានបើកឱកាសឲ្យប្រទេសតូចៗមានសិទ្ធិប្រកួតប្រជែងកាន់តែច្រើន ហើយនាំឲ្យមានព្រឹត្តិការណ៍ប្រវត្តិសាស្ត្រកើតឡើងជាច្រើនក្នុងវគ្គជម្រុះ។
នៅសប្ដាហ៍នេះផ្ទាល់ កុងហ្គោ (DR Congo), អ៊ីរ៉ាក់ និង ឆែក បានបញ្ចប់ការរង់ចាំយូរឆ្នាំ ដើម្បីត្រលប់មកលេងលើឆាកអន្តរជាតិវិញ ខណៈ បូស្ន៊ី និងហឺហ្សេហ្គូវីណា បានធ្វើឲ្យ អ៊ីតាលី ភ្ញាក់ផ្អើល ដោយយកឈ្នះក្នុងការទាត់បាល់ប៉េណាល់ទី។
បន្ថែមពីនេះ មាន ៤ ប្រទេសដែលបានឈានទៅ World Cup ជាលើកដំបូងក្នុងប្រវត្តិសាស្ត្រ ដែលនឹងធ្វើឲ្យការប្រកួតឆ្នាំនេះមានរសជាតិថ្មី និងភាពទាក់ទាញថ្មី។
កាបវែរ (Cape Verde)
កាបវែរ មិនបានរីកចម្រើនភ្លាមៗទេ ប៉ុន្តែជាលទ្ធផលនៃការខិតខំប្រឹងប្រែងអស់រយៈពេលយូរមកហើយ។ ប្រទេសកោះតូចនៅជិតទ្វីបអាហ្វ្រិកមួយនេះបានអភិវឌ្ឍវិស័យបាល់ទាត់យ៉ាងខ្លាំងក្នុងប៉ុន្មានឆ្នាំចុងក្រោយ ហើយបានឈានដែលអាចចូលលេង World Cup ជាលើកដំបូងក្នុងប្រវត្តិសាស្ត្រ បន្ទាប់ពីធ្វើបានល្អក្នុងវគ្គជម្រុះ។
គូរ៉ាកៅ (Curaçao)
គូរ៉ាកៅ គឺជាកោះតូចមួយនៅតំបន់ ការ៉ាបៀន (Caribbean) មានមនុស្សភាគច្រើន មិនសូវដឹង ឬមិនសូវស្គាល់ក្រុម/ប្រទេសនេះក្នុងវិស័យបាល់ទាត់នោះទេ។ ទោះជាយ៉ាងណា ពួកគេបានបង្កើតប្រវត្តិសាស្ត្រ ដោយក្លាយជាប្រទេសតូចមួយក្នុងចំណោមប្រទេសដែលបានឈានទៅ World Cup ជាលើកដំបូង។
ហ្សកដានី (Jordan)
ហ្សកដានី បានរង់ចាំអស់រយៈពេលជាង ៤០ ឆ្នាំ ទើបអាចឈានទៅ World Cup ជាលើកដំបូង។ ពួកគេបានបង្ហាញសមត្ថភាពល្អក្នុងវគ្គជម្រុះ និងបន្តការរីកចម្រើនយ៉ាងខ្លាំងក្នុងប៉ុន្មានឆ្នាំចុងក្រោយ។
អ៊ូសបេគីស្ថាន (Uzbekistan)
អ៊ូសបេគីស្ថាន ក្លាយជាប្រទេសដំបូងពីតំបន់អាស៊ីកណ្ដាល ដែលបានឈានទៅ World Cup។ ពួកគេបានឆ្លងកាត់វគ្គជម្រុះយ៉ាងពិបាក និងបង្ហាញថា វិស័យបាល់ទាត់នៅតំបន់នេះកំពុងរីកចម្រើនយ៉ាងឆាប់រហ័សផងដែរ។
