សញ្ញា 4 យ៉ាងបង្ហាញថា នេះអាចជារដូវកាលចុងក្រោយរបស់ Pep Guardiola នៅ Manchester City
By Dany • 33 views
បន្ទាប់ពីរយៈពេល 10 ឆ្នាំនៅ Etihad, ការពិភាក្សាកាន់តែច្រើនកំពុងលេចឡើងថា Pep Guardiola អាចនឹងស្ថិតក្នុងរដូវកាលចុងក្រោយរបស់គាត់ជាមួយ Manchester City។ ទោះបីមិនមានការបញ្ជាក់ច្បាស់ក៏ដោយ ប៉ុន្តែសញ្ញាជាច្រើនក្នុងឆ្នាំនេះ បង្ហាញថាអនាគតរបស់គាត់មិនទាន់ប្រាកដនៅឡើយ។
មួយក្នុងចំណោមសញ្ញាដែលគេចាប់អារម្មណ៍ គឺការឆ្លើយសំណួររបស់គាត់ក្នុងសន្និសីទសារព័ត៌មាន ដែលមើលទៅមិនច្បាស់ដូចមុន។ នៅឆ្នាំ 2025 គាត់បាននិយាយ “who knows” ពេលត្រូវសួរអំពីអនាគត ហើយក៏បញ្ជាក់ថា គាត់មិននៅទីនេះជារៀងរហូតទេ។ ហើយថ្មីៗនេះ គាត់បាននិយាយពីអនាគតរបស់ Manchester City ដោយមិនប្រើពាក្យ ‘យើងឬក្រុមជារួម’ ដែលបង្ហាញថាគាត់មិនសូវដាក់ខ្លួនជាមួយក្រុមដូចមុនទេ។
លើសពីនេះ គាត់ក៏បាននិយាយអំពីបញ្ហាសង្គមដូចជា Gaza និង Sudan ដែលប៉ះពាល់ដល់ម្ចាស់ក្លិប ដែលមើលទៅមិនសូវធម្មតាសម្រាប់គ្រូបង្វឹកម្នាក់នៅក្នុងទីតាំងនេះ។
មិនត្រឹមតែប៉ុណ្ណោះ ការអបអរសាទរពាន League Cup របស់គាត់ក៏មើលទៅខុសធម្មតា ដូចជាការអបអរសាទរពានធំមួយ។ ដោយនៅពេល Manchester City រកបានគ្រាប់ទី 2, គាត់បានរត់ និងមានអារម្មណ៍ខ្លាំងរហូតដល់មានទឹកភ្នែក ដែលមើលទៅដូចជាពេលពិសេសមួយសម្រាប់គាត់។
ជាមួយគ្នានេះដែរ Guardiola ក៏បានកែប្រែក្រុមសម្រាប់អនាគត ដោយអោយកីឡាករចាស់ៗចាកចេញ និងនាំយុវជនចូលមកជំនួស។ ហើយឥឡូវនេះ Manchester City មានក្រុមដែលមានអាយុមធ្យមទាបជាងគេទី 4 នៅក្នុងលីគ។
សរុបមក ទោះបីជាមិនទាន់មានអ្វីប្រាកដក៏ដោយ ប៉ុន្តែសញ្ញាទាំងនេះអាចបង្ហាញថា រដូវកាលនេះអាចជារដូវកាលចុងក្រោយរបស់ Pep Guardiola នៅ Manchester City។
