ទីបំផុតហើយ! បឺត សង្ឃឹម នឹងបង្ហាញវត្តមានលើសង្វៀន គ្រុឌគុនខ្មែរ ជាលើកដំបូង ក្នុងការប្រកួតដែលអ្នកគាំទ្រកំពុងរង់ចាំ

ទីបំផុត កំពូលអ្នកលេងយុទ្ធសាស្រ្ត បឺត សង្ឃឹម នឹងបង្ហាញវត្តមានជាលើកដំបូងបំផុត នៅលើសង្វៀន គ្រុឌគុនខ្មែរ ដែលជាសង្វៀនកំពុងទទួលការចាប់អារម្មណ៍យ៉ាងខ្លាំងពីអ្នកគាំទ្រក្បាច់គុនទូទាំងប្រទេស។

ការប្រកួតលើកនេះ បឺត សង្ឃឹម នឹងត្រូវប្រឈមមុខជាមួយគូប្រកួតខ្លាំងមកពីប្រទេសកូតឌីវ័រ គឺ ដេមបេឡេ ម៉ូហាម៉ាត់ ដែលជាកីឡាករបរទេសមានបទពិសោធន៍ និងកម្លាំងប្រយុទ្ធមិនធម្មតា។ ការជួបគ្នារវាងកីឡាករទាំងពីរ ត្រូវបានគេរំពឹងថា នឹងពោរពេញដោយភាពតានតឹង បច្ចេកទេស និងការប្រកួតប្រជែងខ្ពស់។

សម្រាប់ បឺត សង្ឃឹម វាជាជំហានសំខាន់មួយក្នុងអាជីព ក្នុងការបង្ហាញសមត្ថភាព និងយុទ្ធសាស្រ្តរបស់ខ្លួន លើសង្វៀនដែលមានស្តង់ដារខ្ពស់ និងមានអ្នកគាំទ្រច្រើន។ ខណៈអ្នកគាំទ្រជាច្រើន កំពុងចាប់អារម្មណ៍ថា តើគាត់អាចដណ្ដើមជ័យជម្នះ ក្នុងការប្រកួតដំបូងនេះបានដែរឬទេ។

មកចូលរួមទស្សនា និងសាកល្បងទាយលទ្ធផលទាំងអស់គ្នា ក្នុងព្រឹត្តិការណ៍ក្បាច់គុនដ៏រំភើបមួយនេះ។

កាលបរិច្ឆេទ៖ ថ្ងៃទី ២៥ មករា ឆ្នាំ២០២៦
ម៉ោង៖ ចាប់ពី ០៦:៣០ នាទីល្ងាចតទៅ
ទីតាំង៖ ភូមិបឹងដែង១ ឃុំព្រែកកក់ ស្រុកស្ទឹងត្រង់ ខេត្តកំពង់ចាម

ព្រឹត្តិការណ៍នេះ ត្រូវបានរំពឹងថា នឹងក្លាយជាការប្រកួតមួយដែលអ្នកគាំទ្រ គុនខ្មែរ មិនគួររំលងឡើយ។