គម្រោងអគ្គិសនីដើរដោយឧស្ម័ន LNG ៩០០មេហ្កាវ៉ាត់ជាប្រវត្តិសាស្ត្រ នឹងដាក់ឱ្យដំណើរការនៅចុងឆ្នាំ២០២៦និង២០២៧ ដូចផែនការរបស់រាជរដ្ឋាភិបាល
By Sok Tak • 94 views
គម្រោងអគ្គិសនីដើរដោយឧស្ម័ន LNG កម្លាំងផលិតសរុប ៩០០ មេហ្កាវ៉ាត់ ដែលត្រូវបានចាត់ទុកថាជាគម្រោងសំខាន់ជាប្រវត្តិសាស្ត្រ នឹងត្រូវដាក់ឱ្យដំណើរការជាដំណាក់កាលនៅចុងឆ្នាំ ២០២៦ និងឆ្នាំ ២០២៧ ស្របតាមផែនការយុទ្ធសាស្ត្ររបស់រាជរដ្ឋាភិបាលកម្ពុជា។ គម្រោងនេះមានគោលបំណងឆ្លើយតបទៅនឹងតម្រូវការអគ្គិសនីដែលកំពុងកើនឡើង និងគាំទ្រការអភិវឌ្ឍសេដ្ឋកិច្ចជាតិឱ្យមានភាពបន្តបន្ទាប់។
ការអនុវត្តគម្រោងអគ្គិសនី LNG នេះ នឹងដើរតួនាទីសំខាន់ក្នុងការពង្រឹងសន្តិសុខថាមពលជាតិ ដោយបន្ថែមប្រភពផលិតអគ្គិសនីដែលមានស្ថិរភាព និងអាចដំណើរការបានជាបន្តបន្ទាប់ បន្ថយហានិភ័យពីការពឹងផ្អែកលើប្រភពថាមពលតែមួយ។ ព្រមទាំងជួយរក្សាស្ថិរភាពបណ្តាញអគ្គិសនីជាតិ ធានាការផ្គត់ផ្គង់អគ្គិសនីឱ្យមានភាពគ្រប់គ្រាន់ និងអាចទុកចិត្តបានសម្រាប់ប្រជាពលរដ្ឋ និងវិស័យឧស្សាហកម្មនៅទូទាំងប្រទេស។
