Facebook ការពារវីដេអូដើម បង្ហោះមួយដោយគ្មានអនុញ្ញាត អាចប្រឈមមុខវិធានការ
អត្ថបទសរសេរដោយ Sok Tak • 114 views
នៅថ្ងៃទី ០២ ខែមករា ឆ្នាំ ២០២៦ Facebook បានអនុវត្តបច្ចេកវិទ្យា Content Protection ដើម្បីការពារវីដេអូដើមពីការលួចចម្លង និងការរំលោភសិទ្ធិអ្នកបង្កើតមាតិកា។ បច្ចេកវិទ្យានេះបង្កើតឡើងដោយ Meta ហើយបានពង្រីកការអនុវត្តយ៉ាងទូលំទូលាយនៅឆ្នាំ ២០២៦ ដើម្បីធានាគុណភាពមាតិកាដើមនៅលើបណ្ដាញសង្គម។
អ្នកប្រើប្រាស់ដែលផុសវីដេអូអ្នកដទៃដោយគ្មានការអនុញ្ញាត អាចប្រឈមមុខវិធានការដូចជា Tracking ដើម្បីតាមដានសកម្មភាព Blocking Posts ដើម្បីបិទមិនឲ្យបង្ហាញវីដេអូ និង Reporting Accounts ដើម្បីរាយការណ៍គណនីដែលរំលោភសិទ្ធិ។
មុខងារ Content Protection ផ្តល់អំណាចពេញលេញដល់ម្ចាស់ដើមក្នុងការការពារស្នាដៃរបស់ខ្លួន និងលើកកម្ពស់ការបង្កើតមាតិកាដើមមានគុណភាព សម្រាប់បរិយាកាសប្រើប្រាស់បណ្ដាញសង្គមដែលមានសុវត្ថិភាព និងយុត្តិធម៌។
