របាយការណ៍និយាយថា ការវាយប្រហារតាមអ៊ីនធឺណិតរបស់ចិនលើហេដ្ឋារចនាសម្ព័ន្ធតៃវ៉ាន់ជាមធ្យមមាន 2.6 លានក្នុងមួយថ្ងៃក្នុងឆ្នាំ 2025
អត្ថបទសរសេរដោយ Sok Tak • 95 views
តៃប៉ិ – ការិយាល័យសន្តិសុខជាតិតៃវ៉ាន់បានឲ្យដឹងថា ការវាយប្រហារតាមអ៊ីនធឺណិតពីប្រទេសចិនលើហេដ្ឋារចនាសម្ព័ន្ធសំខាន់ៗ រួមមានមន្ទីរពេទ្យ ធនាគារ និងវិស័យថាមពល បានកើនឡើង 6% ក្នុងឆ្នាំ 2025 ដល់ជាមធ្យម 2.63 លានលើកក្នុងមួយថ្ងៃ។ អាជ្ញាធរបញ្ជាក់ថា ការវាយប្រហារខ្លះត្រូវបានធ្វើស្របពេលជាមួយសមយុទ្ធយោធា ក្នុងអ្វីដែលតៃវ៉ាន់ហៅថា «ការគំរាមកំហែងកូនកាត់»។
តៃវ៉ាន់បានអះអាងថា ចិនកំពុងបង្កើនសម្ពាធលើយុទ្ធសាស្ត្រកូនកាត់ ដោយរួមបញ្ចូលសកម្មភាពយោធា ការផ្សព្វផ្សាយព័ត៌មានមិនពិត និងការវាយប្រហារតាមអ៊ីនធឺណិត ដើម្បីបង្ខំឱ្យកោះដែលគ្រប់គ្រងដោយប្រជាធិបតេយ្យនេះ ទទួលយកការទាមទារអធិបតេយ្យភាពរបស់ប៉េកាំង ខណៈដែលចិនបដិសេធការចោទប្រកាន់ទាំងនេះ។
អាជ្ញាធរបានបន្ថែមថា ការវាយប្រហារទាំងនេះរួមមានការវាយប្រហារ DDoS ការលួចព័ត៌មាន និងការជ្រៀតចូលបណ្ដាញទូរគមនាគមន៍ ព្រមទាំងការកំណត់គោលដៅលើឧស្សាហកម្ម semiconductor ដូចជា TSMC ខណៈតៃវ៉ាន់អះអាងថា មានតែប្រជាជនតៃវ៉ាន់ប៉ុណ្ណោះដែលអាចសម្រេចអនាគតរបស់កោះនេះបាន។
